ගම් දහසක් - වැඩ දහසක් | ප්‍රජා ශක්ති 2026

ප්‍රජා ශක්ති ජාතික වැඩසටහන යටතේ ශ්‍රී ලංකාවේ බහුමාන දරිද්‍රතාවය පිටු දැකීම සඳහා මහජන බදු මුදල් රුපියල් මිලියන 25,000 ක් වැය කර ග්‍රාමීය සංවර්ධන ව්‍යාපෘති ක්‍රියාත්මක කිරීමේ ජාතික වැඩසටහනට සමගාමීව බුලත්කොහුපිටිය ප්‍රාදේශීය ලේකම් කොට්ඨාසයේ ප්‍රාදේශීය ව්‍යාපෘතීන් හි සමාරම්භය බුලත්කොහුපිටිය ප්‍රාදේශීය සම්බන්ධිකරණ කමිටුවේ ගරු සභාපති, කෑගල්ල දිස්ත්‍රීක් පාර්ලිමේන්තු මන්ත්‍රී ආචාර්ය නන්දන මිල්ලගල මැතිතුමා සහ බුලත්කොහුපිටිය ප්‍රාදේශීය ලේකම් මධූෂී පී.අබේරත්න මහත්මියගේ ප්‍රධානත්වයෙන් 2026.06.02 වන උඩපොත, බුලත්කොහුපිටිය සහ තෙල්කුමුදුවල වසම්හි දී සිදු කෙරිණ.

මෙම අවස්ථාව සඳහා ග්‍රාම නිලධාරී කොට්ඨාස නියෝජනය කරන බුලත්කොහුපිටිය ප්‍රාදේශීය සභාවේ මන්ත්‍රීවරුන්, බුලත්කොහුපිටිය ප්‍රාදේශීය ලේකම් කාර්යාලයේ නියෝජ්‍ය අධ්‍යක්ෂක (ක්‍රම සම්පාදන) තේජා කේ.ජයසූරීය මහත්මිය ඇතුළු කාර්යාල නිලධාරීන්, වසම්භාර ග්‍රාම නිලධාරීවරුන්, ප්‍රජා සවිබල ගැන්වීමේ නිලධාරීන්, සංවර්ධන නිලධාරීන් සහ සමුර්ධි සංවර්ධන නිලධාරිවරුන්, කෘෂි උපදේශකතුමන් සමගින් ප්‍රජා ශක්ති සංවර්ධන සභාවේ නිලධාරී මණ්ඩලය සහ සාමාජික සාමාජිකාවන් ද එක්ව සිටියහ.